A-dreuz ar c'hantvedoù

Tapomp penn an hent dre aodoù avelek ha roc'hellek, dre gwaremmoù kras hag ec'hon, dre straediù enk ha teñval, dre liorzhoù kuzh ha klet... Sellomp en-dro deomp ha tavomp. Klevout a raimp neuze heklev an tremened o sourral. Nag a vouezhioù tud a zo bet o vevañ hag o poaniañ ! Nag a darvoudoù munut ha kriz a zo bet skoulmet ha diskoulmet !
N'eus ket par da Herve Gouedard evit hor bleniañ dre gildroennoù an amzer hag hol lakaat d'ober anaoudegezh gant istorioù tud, lec'hioù, broioù. Ergerzher difaezhus ar bedoù pellañ ha tostañ war un dro ma 'z eo.
Furcher, baleer, kantrer, konter, hag heñcher, Herve Gouedard a oar, gant fent hag ampartiz, dispakañ ha taolenniñ plegioù 'zo eus hon istor hag hor glad.
Deomp 'ta dizamant d'e heul a-dreuz ar c'hantvedoù...